Kuch PuraniYaadein: 2011

Tuesday, July 12, 2011

Meri dastan-e-hasrat wo suna suna ke roay

Meri dastan-e-hasrat wo suna suna ke roay,

mere azmaney waley mujhey azmakey roay,

Koi aisa ehley dil ho, ke fasana-e-mohabbat,

mein ussaey suna ke rou.n, wo mujhey suna ke roye,

Meri arzo ke duniya dil-e-natwaan kee hasrat,

jissey khokey shadma they ussey aaj paa ker roye,

Teri bewafaion per teri kaj adaiyon per,

kabhi sir jhuka ker roye, kabhi muh chupa ker roye,

Jo sunaee anjuman ne shab-e-gham kee ap beeti,

kai.en ro ke muskuraye, kai.en muskura ker roye.

Log kya khoob wafaoon ka silla detey hein

Log kya khoob wafaoon ka silla detey hein

Har ek moor per zakham nya detey hein

Tum sey tu khair ghari bhar ki mulaqat rahi

Log sadiyoon ki rafaqat ko bhula detey hein

Kaisey mumkin hai dhuaan bhi na ho aur dil bhi jaley

Chot perti hai tu pather bhi sada detey hein

Kaun hota hai museebat mein kissi ka ai dost!

Aag lagti hai tu patey bhi hawa detey hein

Jin pey hota hai buhat dil ko bharossa

Waqat perney per wohi log daga detey hein.

Yeh Sabhi Naseeb Key Khail Hain

Yeh Sabhi Naseeb Key Khail Hain

Kisi Haath Mein to Gulaab hon

koi Haath Khaali ho Is Trah

Sabhi Zakhmi Zakhmi Hon UngliyaaN

Kisi Sar Pey Hon Kai SaayebaaN

Kisi Sar Pey Chhat Bhi koi Na Ho

Kahien Paaon Jaltey Hon Dhoop Mein

koi Chaaon Mein Hi Chaley Sada

Kahien Baarsihon Ka Wafoor Ho

Kahin Boond Paani Miley Nahien

koi Khaak Pey Ho Para Hua

To Kisi Key Bakht Mein Takht ho

koi Jeet-ta Hi Rahey Yahan Sada

Kahien Haar Hi Ho Likhi hui

koi Door Reh Key Bhi Paas Ho

koi Paas Reh Key Bhi Door Ho

Kahi.n Faaslon Pey Ruka Hua

Kahi.n Dooriyon Pey Khara Hua

Rahey Raaston ko Talaashta

Kahien Khud Pukaar Lien Manzilien

Unhien jo Chaley Hon Talaash Mein

kohien Haath Yun Hi Uthey Rahien

Kahien Bin Dua Key Miley koi

Jisey Main Ney Maanga Tha Baarha

Vo Habeeb Mujh Sey Bichhar Gya

Mera Humsafar Mujhey Chor Kar

Kisi Aur Simt Chala Gya

Jisey Saath Chalna Tha Umr Bhar

Vo To Chand Qadm Bhi Na Chal Saka

Meri Aankh Mein Vo Jo Khwaab They

Wahi Khwaab Meray Ujr Gaye

Meray Haath Mein Jo Gulaab They

Wo Gulaab Saarey Bikhr Gaye

Yeh Sabhi Naseeb Key Khail Hiin

Kahien Gul Khilien , Kahien Khaar Hon

Bichhar k us se main bas es liye nahi bikhra Wo keh gaya tha yehi waqt terey imtehaan ka hai.

Main khud zameen mera zarf aasmaan ka hai

K toot kar bhi mera hosla chataan ka hai

Bura na Maan mere hurf-o-lafz zehr sahi

Main kya karun k yehi zaaiqa zabaan ka hai

Meri sanjeedgi mashhoor hai zamaane mein

...Meri khaamoshi bhi Pehlu mere bayaan ka hai

Har ek ghar pe musallat hai dil ki veeraani

Tamaam sheher pe saaya mere makaan ka hai

Bichhar k us se main bas es liye nahi bikhra

Wo keh gaya tha yehi waqt terey imtehaan ka hai.

Jeenaa Azaab Kyun Hai Ye Kyaa Ho Gayaa Mujhe;

Kis Shakhs Ki Lagi Hai Bhalaa Bad-Duaa Mujhe

Ban-Naa Padaa Hai Aap Hi Apnaa Khudaa Mujhe;

Kis Kufr Ki Mili Hai Bhalaa Ye Sazaa Mujhe

Ye Kah Ke Maine Rakkhaa Hai Har Aayeene Kaa Dil;

Agale Janam Mein Roop Milegaa Nayaa Mujhe

Nikle The Dono Bhes Badal Kar To Kyaa Ajab;

Main Dhoondhtaa Khudaa Ko Firaa Aur Khudaa Mujhe

Too Mutmayeen Nahin To Mujhe Kab Hai Aitraaz;

Mitti Ko Phir Se Goonth Meri Phir Banaa Mujhe

Kahan aa ke rukne the raaste

Kahan aa ke rukne the raaste,

Kahaan mod tha, ussay bhool jaa,

Joo mil gaya ussay yaad rakh,

Joo nahien mila ussay bhool jaa,

Woh tere naseeb ki baarishein,

Kisi aur chhat pe baras gayien,

Dil-e-bekhabbar meri baat sun,

Ussay bhool jaa, ussay bhool jaa,

Mein to gum thaa tere hi dhayaan mein,

Teri aass tere gumaan mein,

Saba keh gayi mere kaan mein,

Mere paas aa ussay bhool jaa.

Kisi ki aankh mein nahien ashq-e-gham,

Tere baad kuch bhi nahien hai kam,

Tujhe zindagi ne bhulaa diya,

Tu bhi muskuraa ussay bhool jaa.

Na woh aankh hi teri aankh thi,

Na woh khwaab hi tera khwaab tha,

Dil-e-muntazir to yeh kis liye ,

tera jaagnaa ussay bhool jaa, ussay bhool jaa.

Yeh jo raat din ka hai khel saa,

Ussay dekh iss pe yakeen naa kar,

Nahien aks koi bhi mustaqil sar-e-aaena,

Ussay bhool jaa, ussay bhool jaa.

Jo bisaat-e-jaan hi ulatt gaya,

Woh jo raaste mein palat gaya,

Ussay rokne se haasil kya,

Ussay matt bulaa, ussay bhool ja.

Jis simt bhi dekhooN nazar aata hai ke tum ho

Ae jaan-e-jahaaN ye koi tum saa hai ke tum ho

Yeh khwaab hai, khushboo hai, ke jhoNka hai, ke pal hai

...Yeh dhuNd hai, baadal hai, ke saayaa hai, ke tum ho

...

Is deed ki sa'Aat main kaiye rang hain larzaaN

Mein hooN ke koi aur hai duniya hai ke tum ho

DekhO yeh kisi aur ki aankhAin hain ke meri

DekhooN yeh kisi aur ka chehra hai ke tum ho

Yeh umr-e-gurezaaN kahin thehre to yeh jaanooN

Har saaNs main mujh ko yeh lag ta hai ke tum ho

Har bazm main mauzoo-e-suKhan dil zadgaaN ka

Ab kaun hai Shireen hai ke Laila hai ke tum ho

Ik dard ka phaila huA sahara hai ke mein hooN

Ik mauj main aaya huAa dariya hai ke tum ho

Woh waqt na aaiye ke dil-e-zaar bhi sochay

Is shehar main tanha koi hum sa hai ke tum ho

Aabaad hum aashufta sarOn se nahin maqtal

Yeh rasM abhi shehar main zinda hai ke tum ho

Ae jaan-e-'Faraz' itni bhi taufeeq kise thi

Hum ko ghum-e-hasti bhi gawaara hai ke tum ho

Wednesday, June 22, 2011

Jugnu Koi Sitaron Ki Mehfil Mein Kho Gaya

Jugnu Koi Sitaron Ki Mehfil Mein Kho Gaya
Itna Na Kar Malaal Jo Hona Tha Ho Gaya

Perverdigar Jaanta Hai Tu, Sabke Dil Ka Haal
Main Jee Na Payunga Jo Use Kuch Bhi Ho Gaya

Ab Usko Dekh Kar Nahi Dhadkega Mera Dil
Kehna Ki Mujhko Ye Bhi Sabak Yaad Ho Gaya

Baadal Utha Tha Sabko Roolane Ke Vaaste
Aanchal Bhigo Gaya Kahin Daaman Bhigo Gaya

Ek Ladki Ek Ladke Ke Kandhe Pe Soyi Thi
Main Ujli Dhundhli Yaadon Ke Kuhre Mein Kho Gaya

Saturday, June 18, 2011

Badnam mere pyar ka afsana hua hai Deewane bhi kahte hain k diwana hua hai

Badnam mere pyar ka afsana hua hai

Deewane bhi kahte hain k diwana hua hai

Rishta tha tabhi to kisi bedard ne tora

Apna tha tabhi to koi begana hua hai

Badal ki tarah aa ke baras jaiye ek din

Dil ap ke hote huay wirana hua hai

Bajte hain khayalon may teri yad ke ghungroo

Kuch din se mera ghar bhi parikhana hua hai

Mausam ne banaya hai nigahon ko sharabi

Jis phool ko daikhoon wahi paimana hua hai