Isse pahle ke hawa shor machaane lag jaaye,

Isse pahle ke hawa shor machaane lag jaaye,

Mere khuda meri khaak thikaane lag jaaye,

Ghere rahtey hai kaeein khuwab meri aankho ko,

Kaash kuch der mujhey neend bhi aane lag jaaye

To zaruri hai main misr se hijrat kar jaau,

Jab zulekhaa hi mere daam ghataane lag jaaye,

Saal bhar eid ka rastaa nahi dekha jaata,

Wo gale mujhse kisi aur k bahaane lag jaaye,

Meri koshish hai k har shaam ye dhaltaa suraj,

Shab ki dehleez pe ek shama jalaane lag jaaye

Ab tujh se bicher jane ke imkaan bohot hai..

Jin Raho pe ik umer tere saath raha hoon,

 Kuch roz se wo rastey sunsan bohot hai,

Mil jao kabhi laut k phir ayo na shayad,

 Kamzor hoon mai rah mai toofan bohot hai,

Ik tum hi nahi meri judai mai pareshan,

 Hum bhi to teri chah mai veeran bohot hai,

Ik tark-e-wafa mai usey kaise bhula doo,

 Mujh per abhi us shaks ke ahsan bohot hai,

Bhar aaien na ankhein to mai ik baat bataon,

 Ab tujh se bicher jane ke imkaan bohot hai..

Poochnay walay !

Poochnay walay !

tujhay kaisay bataain aakhir..... ?

'Dukh' ibarat to nahi koi jo tumhain likh ker bhejain

yea kahani bhi nahi hai k sunaain tujh ko......

na koi baat hi aisi k bataain tujh ko......

zakham ho to teray nakhun k hawalay ker dein

aaina bhi to nahi hai k dhikaain tujh ko.....

yea koi raaz nahi, jis ko chupaain to wo raaz

kabhi chehray, kabhi aankhon se chalak jata hai

jaisay aanchal ko sambhalay koi, aur tezz hawa!

jab bhi chaltii hai to shaanoo se dhalak jataa hai

ab tujhay kaisay bataain k hamain 'Dukh' kia hai..... ?

Meri dastan-e-hasrat wo suna suna ke roay

Meri dastan-e-hasrat wo suna suna ke roay, 

mere azmaney waley mujhey azmakey roay, 

Koi aisa ehley dil ho, ke fasana-e-mohabbat, 

mein ussaey suna ke rou.n, wo mujhey suna ke roye, 

Meri arzo ke duniya dil-e-natwaan kee hasrat, 

jissey khokey shadma they ussey aaj paa ker roye, 

Teri bewafaion per teri kaj adaiyon per, 

kabhi sir jhuka ker roye, kabhi muh chupa ker roye, 

Jo sunaee anjuman ne shab-e-gham kee ap beeti, 

kai.en ro ke muskuraye, kai.en muskura ker roye.

Log kya khoob wafaoon ka silla detey hein

Log kya khoob wafaoon ka silla detey hein 

Har ek moor per zakham nya detey hein 

Tum sey tu khair ghari bhar ki mulaqat rahi

Log sadiyoon ki rafaqat ko bhula detey hein

Kaisey mumkin hai dhuaan bhi na ho aur dil bhi jaley 

Chot perti hai tu pather bhi sada detey hein 

Kaun hota hai museebat mein kissi ka ai dost!

Aag lagti hai tu patey bhi hawa detey hein 

Jin pey hota hai buhat dil ko bharossa 

Waqat perney per wohi log daga detey hein.

Yeh Sabhi Naseeb Key Khail Hain

Yeh Sabhi Naseeb Key Khail Hain

Kisi Haath Mein to Gulaab hon

koi Haath Khaali ho Is Trah

Sabhi Zakhmi Zakhmi Hon UngliyaaN

Kisi Sar Pey Hon Kai SaayebaaN

Kisi Sar Pey Chhat Bhi koi Na Ho

Kahien Paaon Jaltey Hon Dhoop Mein

koi Chaaon Mein Hi Chaley Sada

Kahien Baarsihon Ka Wafoor Ho

Kahin Boond Paani Miley Nahien

koi Khaak Pey Ho Para Hua

To Kisi Key Bakht Mein Takht ho

koi Jeet-ta Hi Rahey Yahan Sada

Kahien Haar Hi Ho Likhi hui

koi Door Reh Key Bhi Paas Ho

koi Paas Reh Key Bhi Door Ho

Kahi.n Faaslon Pey Ruka Hua

Kahi.n Dooriyon Pey Khara Hua

Rahey Raaston ko Talaashta

Kahien Khud Pukaar Lien Manzilien

Unhien jo Chaley Hon Talaash Mein

kohien Haath Yun Hi Uthey Rahien

Kahien Bin Dua Key Miley koi

Jisey Main Ney Maanga Tha Baarha

Vo Habeeb Mujh Sey Bichhar Gya

Mera Humsafar Mujhey Chor Kar

Kisi Aur Simt Chala Gya

Jisey Saath Chalna Tha Umr Bhar

Vo To Chand Qadm Bhi Na Chal Saka

Meri Aankh Mein Vo Jo Khwaab They

Wahi Khwaab Meray Ujr Gaye

Meray Haath Mein Jo Gulaab They

Wo Gulaab Saarey Bikhr Gaye

Yeh Sabhi Naseeb Key Khail Hiin

Kahien Gul Khilien , Kahien Khaar Hon

Bichhar k us se main bas es liye nahi bikhra Wo keh gaya tha yehi waqt terey imtehaan ka hai.

Main khud zameen mera zarf aasmaan ka hai

K toot kar bhi mera hosla chataan ka hai

Bura na Maan mere hurf-o-lafz zehr sahi

Main kya karun k yehi zaaiqa zabaan ka hai

Meri sanjeedgi mashhoor hai zamaane mein

...Meri khaamoshi bhi Pehlu mere bayaan ka hai

Har ek ghar pe musallat hai dil ki veeraani

Tamaam sheher pe saaya mere makaan ka hai

Bichhar k us se main bas es liye nahi bikhra

Wo keh gaya tha yehi waqt terey imtehaan ka hai.